मंसिर ११ मा दया र जीवनको भीडन्त

मंसिर ११ मा दया र जीवनको भीडन्त

कार्तिक १८, २०७२- पुरानो जमानाका निर्देशन सोभित बस्नेत र अहिलेका चर्चित निर्देशक रामबाबु गुरुङका फिल्म मंसिर ११ मा जुध्ने भएका छन् । फर्मुला फिल्मका निर्देशक सोभितले लामो समयपछि बनाएको फिल्म ‘जाउँ हिँड पोखरा’ र रामबाबुको फिल्म ‘कबड्डी कबड्डी’को यो टकरावमा जीवन लुईंटेल र दयाहाङ राईको पनि भीडन्त हुनेछ ।


सोभितको फिल्ममा जीवनका अलावा रेखा थापा पनि मुख्य भूमिकामा छिन् भने हिट फिल्म ‘कबड्डी’को सिक्वेलमा दयाहाङ सँगै सौगात मल्ल र रिस्मा गुरुङ पनि मुख्य भूमिकामा छन् ।

पहिले नै हिट भएको फिल्म, पात्र र लोकेसेन भएकाले यसको फाइदा ‘कबड्डी कबड्डी’ लाई हुनेछ । राजधानी लगायतका ठूला सहर र मल्टिप्लेक्समा कबड्डीको व्यापार राम्रो हुनसक्छ । दयाहाङ र सौगातका कारण पनि यो क्षेत्रमा कबड्डी बलियो हुनेछ । उता जीवन लुईंटेल र रेखा थापाजस्ता ‘व्यवसायीक’ फिल्मका स्टार भएकाले ‘जाउँ हिँड पोखरा’ले पनि दर्शकमा आकर्षण पैदा गर्न सक्छ । यस्तै, उपत्यका बाहिरको बजारमा पनि सोभितको फिल्मलाई बढी फाइदा हुनसक्छ ।

SHARE

COMMENTS

यसमा तपाइको मत